Astanada «Kórme» kórme ortalyǵynda QR UQK, IIM men Qorǵanys jáne aeroǵarysh ónerkásibi mınıstrliginiń resmı qoldaýymen Qazaqstan Respýblıkasynyń Terrorızmge qarsy ortalyǵynyń patronatymen uıymdastyrylǵan «Terrorıstik turǵyda osal obektilerde terrorıstik qaterge qarsy áreket etý» atty respýblıkalyq konferensııasy ótti.
Konferensııanyń jumysyna QR Terrorızmge qarsy ortalyǵynyń Shtab bastyǵy Janat Saıpoldaev, QR Qaýipsizdik keńesiniń Qaýipsizdiktiń jalpy máseleleri jónindegi bóliminiń meńgerýshisi Rýlanbek Bekjigitov, QR Qorǵanys jáne aeroǵarysh ónerkásibi mınıstrliginiń Aqparattyq qaýipsizdik jónindegi komıteti tóraǵasynyń orynbasary Rýslan Ádiqalyqov, áleýetti vedomstvolarynyń ókilderi, asa mańyzdy memlekettik, strategııalyq jáne qaýipti óndiristik obektilerdiń basshylary men mamandary qatysty.
QR ýákiletti organdarynyń ókilderi men sarapshylary terrorızmge qarsy áreket etý salasyndaǵy normatıvtik-quqyqtyq bazasy boıynsha baıandamalar oqyldy, terrorıstik turǵyda osal obektilerde (TOO) terrorızmge qarsy qorǵaý júıesiniń talaptary, sondaı-aq strategııalyq jáne asa mańyzdy obektilerde kıberqaýipsizdikti qamtamasyz etý máseleleri baıandaldy. Alǵash ret keń qaýymǵa «Ekspo-2017» Halyqaralyq kórmesin qaýipsiz ótkizýdi qamtamasyz etken keshendi qorǵanys júıeleri men tehnıkalyq quraldary uynylǵan bolatyn.
Respýblıkalyq konferensııanyń sheńberinde «Terrorıstik turǵyda osal obektilerdi terrorıstik qaterge qarsy qorǵaý tehnologııalary men qamtamasyz etý quraldary» jáne «Aqparattyq qaýipsizdiktiń qateri men qamtamasyz etýdiń zamanaýı júıeleri» atty mamandanǵan semınarlary men eki tematıkalyq ústelder ótti.
Dóńgelek ústeldiń jumysyna QR Qorǵanys jáne aeroǵarysh ónerkásibi mınıstrliginiń, QR UQK, «Qazaqstannyń ınternet qaýymdastyqtarynyń», Kaspersky Lab jáne ınternet-keńistiginiń jumysymen baılanysty basqa da uıymdardyń ókilderi qatysty. Baıandamalardyń taqyryptary memlekettik organdarynyń kıberqater evolıýsııasyna, kıberterrorızmge qarsy áreket etý salasyndaǵy jumysyna qatysty boldy. «Kıberqalqan» tujyrymdamasy jáne Qazaqstandaǵy kıberqaýiptiń statıstıkasy, ulttyq shabýyldardyń erekshelikteri jáne kúrdeli ınfraqurylymdarǵa shabýyldardyń álemdik tájirıbesi, naqty keısti qaraý túrinde reseılik tájirıbeden jáne kıberterrorıstik shabýyldardan qorǵaý kezindegi qarapaıym qatelikteri: ssenarııleri, ádisteri, tásilderi men qarsy áreket etýleri sııaqty máseleler jeke talqylandy.
Kıberqaýipsizdik jónindegi dóńgelek ústelmen qatar, obektilerdi terrorızmge qarsy qorǵaýdyń zamanýy tehnologııalary men qamtamasyz etý quraldary, VIP-personalardy jáne memlekettik qyzmetshilerdi qorǵaý jóninde talqylaý ótti.
Konferensııa Qazaqstan jáne Ortalyq Azııadaǵy qaýipsizdik jónindegi iri mamandanǵan kórmesi Qaýipsizdik jáne azamattyq qorǵanys jónindegi «Kazakhstan Security Systems» halyqaralyq kórmesimen bir alańda ótti, onda álemniń 12 elinen 80-nen astam kompanııalary zamanaýı tehnologııalar men ázirlemeler usyndy.
Kórmede obektilerdi ınjenerlik-tehnıkalyq turǵysynan jabdyqtaý, shekteýler men qorshaýlar, beınebaqylaý júıeleri, kirýdi baqylaý jáne basqarý, dabyl qaǵý, habarlaý jáne baılanys, órtti anyqtaý jáne tabý júıeleri men quraldary kórsetilgen bolatyn. Kórmeniń ekspozısııasynda aqparattyq qaýipsizdik salasyndaǵy aldyńǵy qatarly sheshimder, ónimder men qyzmet kórsetýler erekshe oryn aldy.